DIVORCING THE BILLIONAIRE WHO NEVER LOVED ME novel Chapter 20

STEPHANIE’S POV:

Hindi niya inaasahan na sasagot si Mayumi sa kanya kaya namula siya sa pagkapahiya, pero hindi siya pwedeng magpatalo sa bruhang si Mayumi!

“Sino naman ang gugustuhing maging kapareho ang dugo mo, aber?” nakangising sabi niya at naghalukipkip pa. Hindi siya pwedeng mapahiya sa harap ng kanyang kaibigan.

“Right…,” tipid na sagot ni Mayumi sabay tango. “Magkaiba nga naman ang dugo natin. Yung iba kasi d’yan, dugo ng ama ko at ng kabit niya.”

Nanlamig siya sa sinabi ni Mayumi. “How dare you, Mayumi! How dare you say that about my mother?! Are you crazy?!”

Akmang sasampalin niya ito nang mabilis nitong hinawakan ang kamay niya at winaksi iyon palayo. Muntik pa siyang matumba sa lakas ng pagwaksi ni Mayumi.

“Ano bang sinabi ko? May sinabi ba akong kabit ang nanay mo?” ngumisi ito nang nakakaloko. “Hindi ba’t ikaw mismo ang umamin?” dagdag pa nitong kalmado ang tono.

Hindi siya makapagsalita. Nakita niyang nagulat din ang kaibigan niya at nag–iba ang tingin sa kanya. Ang alam kasi nito ay anak siya ng negosyanteng si Johnny Santillan pero walang nakakaalam na kabit lang ang nanay niya. Matapos marinig ang palitan ng salita nila ni Mayumi, at inabot ng kanyang kaibigan ang mga pinamili nila. ” Ahm, sis… mauna na pala ako… may gagawin pa pala ako,” sabi nitong parang nadidiri sa kanya. Hindi na nito hinintay na magsalita siya at kumaripas ng alis.

“/Sis, wait! Come back here!” Hiyang–hiya siya sa kaibigan. Ang matagal niyang pinakatagong sikreto ay lumabas na. At kasalanan ng lahat ng iyon ni Mayumi! Binalingan niya ito nang may galit sa mukha, pero hindi man lang ito nangpatinag sa kanya at iniwan din siya doon.

“You… You… Mayumi, how dare you bully me? Just you wait, I’ll tell Dad and Mom!” Nagpadyak pa siya ng paa na parang bata.

Nakita niyang hindi man lang lumingon si Mayumi habang papalayo, tila wala itong pakialam sa pananakot niya. Kaya lalo siyang nagngitngit sa hiya at inis. Wala na siyang maisip para makabawi sa bruhang si Mayumi.

Paalis na sana siya nang bigla siyang mapahinto. Napatingin siya sa sign na nakasulat kung saan lumabas si Mayumi… Family Court.

“Marriage Court? Ano’ng ginagawa ni Mayumi dito?” nagtatakang tanong niya.

MAYUMI’S POV:

Pagdating niya sa parking kung saan ang kanyang kotse ay bigla siyang napaisip. Nasa bahay pa kaya nila si Ysabel? Kung gano’n, ay hindi pa ito ang tamang oras para umuwi…. Pero saan siya pupunta?

Simula ng mamatay ang kanyang ina, unti–unting lumayo ang mga kamag–anakan nila. At nang ikinasal siya kay Xavier, mas lalo pang kumonti ang mga kaibigan niya… saan ba siya pupunta ngayon?

Habang malalim siyang nag–iisip, biglang tumunog ang cellphone niya. Ang ama niyang si Johnny Santillan ang tumatawag.

+30 Bonus

Napasimangot siya, malamang nakapagsumbong na si Stephanie at ito ang dahilan kaya tinawagan siya ngayon ng kanyang ama…. para pagalitan siya. Hindi niya inasahang tatawag ito nang ganito kaaga.

“Hello, Pa?” walang ganang sagot niya sa telepono.

Pero sa kanyang pagkagulat, mahinahon ang kanyang ama. Hindi ito nagalit o nagbanggit ng tungkol sa away nila ni Stephanie kanina.

“Kamusta ka na, anak? Kamusta kayo ni Xavier lately?”

Naguluhan siya kung bakit ito nangangamusta. Simula nang magkagalit sila ng ama dahil mas kinakampihan nito ang mag–inang Amalia at Stephanie kaysa sa kanya, bihira na itong tumawag… lalo na para magpakita ng concern tungkol sa relasyon nila ni Xavier. May naamoy siyang kakaiba sa galaw ng ama.

Hindi siya sumagot. “Kung may sasabihin ka, sabihin mo na diretso,” walang emosyon nyang sabi

“Well, maliit na bagay lang naman…” tawa nito na medyo pilit. “Narinig ko kasi na ang mga Valerio ay magbubukas ng bagong negosyo, at sakto, tugma doon ang bagong project na inihahanda ko. Kung mababanggit mo sana kay Xavier… imbes na mag–invest siya sa iba, baka p’wedeng sa akin na siya makipag–partner…”

Lihim siyang napasimangot… Hindi pa man natatapos ito sa pagsalita, alam na niya ang pakay nito.

VERIFYCAPTCHA_LABELVerify