Greek 1: The Alpha's Bride novel Chapter 1

Nagmulat ako nang mga mata at natagpuan ko na lamang ang aking sarili sa isang kwarto na hindi ko alam kung saan at kung sino ang may-ari.

Nilibot ko ang paningin ko sa loob ng kwarto at puro kulay pula at itim lamang ang aking makikita.

Ano 'to? Nasaan ako? Ang natatandaan ko lang naman ay ang pagkalasing ko sa isang bar dahil sa depresyon sa aking trabaho. Hindi ko alam kung paano ako nakapunta dito!

Tumayo ako at pinagmasdan ang sarili ko sa isang mahabang salamin na mas mataas pa yata sa akin. Nakasuot ako ng puting bestida at hindi ko rin alam kung paano naging kulay pula ang mga buhok ko. Sa pagkakaalam ko ay itim ang buhok ko dahil sa inaalagaan ko ito at ayokong malagyan ng kung anong kemikal lamang.

Nakakita ako nang pinto at agad ko iyong binuksan. Tumambad sa akin ang napaka-laking pasilyo at tanging repleksyon ko lamang sa salamin ang aking nakikita.

Wala akong suot na sapin sa paa at tanging medyas na kulay pula lamang ang suot ko na hanggang tuhod ko ang haba.

Nasaan ba ako? Bakit ganito ang mga suot ko? Ang weird!

Bumaba ako sa napaka-habang hagdan at hindi ko mawari kung may hangganan pa. Pero sa tingin ko ay meron naman dahil narating ko ang dulo.