Greek 1: The Alpha's Bride novel Chapter 7

Kabanata 6:

Looking For Job

________

Clarity

" Ate Clary, umaga na. Bangon ka na po. "

Napahawak ako sa ulo ko nang biglang sumakit. Ano bang nangyari? Hays, uminom nga pala ako sa bar kahapon! Jusko! Ilang alak kaya ang nainom ko?

" Sige baby. M-mamaya na ako bababa. "

Umalis na si Blake sa kwarto ko. Umupo ako sa kama ko at nilibot ko ang paningin ko. Ba't sumasakit ang paa ko? Jeez! At bakit rin ako naka-suot ng puting bestida at pulang medyas?! Wala akong natatandaang may ganito akong damit at kailan ko naman 'to sinuot?

Ginulo ko ang buhok ko at tumayo na. Tinignan ko ang mesa ko at nakakita na naman ako ng kahon na may ribbon. Hays. Si secret admirer na naman. Si EKS/AK.

Kinuha ko yung kahon at binuksan ko. Nakakita ako ng isang maliit na singsing na may itim na diamond sa gitna. Para saan 'to?

To: My Beautiful Clary

Wear that ring... always.

-EKS

Napalingon ako sa singsing at sa sulat. Inuutusan niya akong isuot ang singsing? Aba!

Pero parang na-hypnotize ng singsing ang mga mata ko dahil nakita ko nalang ang sarili ko na sinusuot ang singsing. Ang weird naman talaga.

Tinitigan ko ang sarili ko sa salamin at ganun nalang ang paglaki ng mata ko sa nakita ko.

" WAAAHH! BAKIT PULA ANG BUHOK KO?! "

_________

" Blake, ginalaw mo ba ang buhok ko kagabi? "

" Hindi. "

Huh? Kung hindi siya, sino naman ang tangang gagawa ng ganito? May karapatan ba siyang palitan ang kulay ng buhok ko? Kainis namaaannn!

" Ate, wala ka bang trabaho ngayon? "

Napatigil ako sa pagsubo ng kamote ko dahil sa tanong ni Blake. Hays. Naalala ko na naman kahapon.

" W-wala nang trabaho si ate pero pangako ko sayo Blake, maghahanap agad ngayon ng trabaho si ate. Dito ka muna sa bahay, 'wag kang lumabas. "

*