Ang Makasalanang Asawa ni Mr. Whitman novel Chapter 84

Nang makita nito si Felipe na nakatayo kasama si Madeline, kaagad na nagkaroon ng lamig sa mga mata ni Jeremy.

Tumingala siya upang tumingin at naramdaman ni Madeline na lumaktaw ang tibok ng kanyang puso.

Kahit na hindi ito ang lalaking minahal niya, sinasabi pa rin sa kanya ng katawan niya na hindi pa rin siya makaalis sa anino nito.

"Jeremy?" Lumabas ng elevator sa gulat si Felipe. "Nandito ka ba para sunduin si Maddie?"

"Wala ka nang pake dun." Galit ang tono ni Jeremy. Tumingin siya sa mukha ni Madeline. "Bakit mo ako binabaan ng linya?"

"Ikaw pala yung tumawag kay Maddie kanina lang?" Natatawang sinabi ni Felipe. "Biro pa ni Maddie na scam caller daw yun at ibinaba ang linya. Nag-away ba kayong dalawa?"

Pagkatapos niyang sabihin iyon, nakita ni Madeline na nagdilim ang mukha ni Jeremy.

Tinitigan siya nito. "Ano pang hinihintay mo? Tara na."

Sinabi ni Jeremy at hinablot niya ang kamay ni Madeline.

Taglamig na at napakalamig. Subalit nararamdaman ni Madeline na nagbabaga ang kamay ni Jeremy.

Maraming beses na niya itong pinagpantasyahan na hawak nito ang kamay niya habang tumatawid noon. Subalit, hindi ang nakakapasong init na ito ang inaasam niya.

"Sasama na lang ako kay tito." Pumiglas si Madeline sa pagkakahawak ni Jeremy at lumapit kay Felipe.

Naramdaman ni Jeremy na dumulas ang kamay niya mula sa kamay nito at nagulantang siya.

"Tito, pakiusap umalis na tayo."

Bahagyang kumunot ang noo ni Felipe. Makalipas ang dalawang segundo, tumango siya at tumingin kay Jeremy. "Aalis na pala kami Jeremy. Maddie tara na."

"Okay." Sumagot si Madelime habang sumusunod kay Felipe.

Natakot siya na baka mag-alinlangan siya kapag pinatagal niya pa ito. Takot na takot siya na baka sundin niya ang isang lalaki nang hindi nag-iisip.

"Madeline, sigurado ka bang hindi ka sasama sa akin?"