Ang Makasalanang Asawa ni Mr. Whitman novel Chapter 26

Nagulat si Madeline sa inaasal ni Jeremy. Subalit, hindi na niya sinubukan pang amuhin si Jeremy. Mahinahon siyang nagtanong, "Anong gusto mong pag-usapan, Mr. Whitman?"

Hindi masaya si Jeremy sa itinawag sa kanya ni Madeline. "Anong tawag mo sakin?"

"May nagbago ba? Wala ka namang pakialam sakin, Mr. Whitman."

Sumimangot si Jeremy. Pagkalipas ng ilang sandali ng pananahimik, nagsalita siya, "Lumalaki na ang tiyan ni Mer. Gusto ko siyang pakasalan."

Kahit na alam ni Madeline na darating ang araw na pipilitin siya ni Jeremy na makipaghiwalay, nasaktan pa rin ng husto si Madeline sa kanyang narinig.

Tumingin si Madeline sa lalaking kaharap niya. Natawa lamang siya. "Paano naman ako?"

Ang tanong ni Madeline. Pakiramdam niya ay sila na ng anak niya ang pinakamalaking kalokohan sa buong mundo.

Tumingin ng masama si Jeremy kay Madeline. "Kung magiging masunurin ka, pwede tayong manatiling ganito."

Napahalakhak si Madeline sa kanyang narinig. "Mr. Whitman, sinasabi mo ba na gusto mong maging kabit yung legal mong asawa? Gusto mong maging asawa yung walang hiya mong kabit, ganun ba?"

Pagkatapos niyang sabihin yun, dumilim ang ekspresyon ng mukha ni Jeremy.

Nakaramdam ng kirot sa kanyang puso si Madeline. Kinagat niya ang kanyang labi at ikinuyom ang kanyang mga kamao. "Jeremy, kahit na patay na ako, hinding-hindi ako papayag na makuha ng walang hiyang Meredith na yun ang gusto niya!"

Pagkatapos niyang sabihin yun, umakyat si Madeline at nagkulong sa kanyang silid.

Mabilis ang tibok ng puso niya. Takot na takot siya na baka magmakaawa siya na huwag siyang hiwalayan ni Jeremy kung hindi siya umakyat agad.

Kung sabagay, hindi nagbago ang hiling niya. Hangga't magkasama sila, masaya na siya at kontento.

Subalit, hindi niya inasahan na ganun kasama si Jeremy sa kabila ng pangako niya na habambuhay silang magsasama.

…

Umalis si Madeline. Ayaw niyang makita si Jeremy. Natatakot siya na baka muling iabot sa kanya ni Jeremy ang mga divorce paper nila. Bukod dito, natatakot din siya na baka patayin ni Jeremy ang ipinagbubuntis niya para sa kapakanan ni Meredith.

Inakala niya na hahanapin siya ni Jeremy kapag umalis siya. Subalit, ilang araw na ang lumipas, hindi man lang siya tinawagan ni Jeremy. Halatang hindi umuwi si Jeremy sa mga nagdaang araw na yun.