Ang Makasalanang Asawa ni Mr. Whitman novel Chapter 29

Bago pa man matapos sa pagsasalita si Madeline, agad namang nagsalita si Tanner.

Alam niya na may nunal si Madeline sa kaliwang dibdib. Para bang kinumpirma niya ang naging relasyon nila noon ni Madeline.

Subalit, sa mga sandaling ito, makikita ang pagkagulat sa mukha ni Meredith habang nagsasalita siya, "Oh my gosh! Maddie, hindi mo siya ex-boyfriend? Binibigyan ka niya ng pera tuwing ginagawa niyo yun? Hindi ba parang binebenta mo ang sarili mo para sa pera? Maddie, paano mo nagawa yun sa sarili mo? Sumasama ka sa kung sino-sinong lalaki para sa pera?!"

Nandiri si Madeline sa mga sinabi ni Meredith. Gusto niyang sagutin si Meredith, pero nakaramdam siya ng matinding sakit kung nasaan ang kanyang tumor, at hindi siya makapagsalita dahil dito.

Ipinagpalagay ni Jeremy na inamin ni Madeline ang mga akusasyon sa kanya dahil sa kanyang pananahimik.

Noong una si Daniel. Ngayon, si Tanner naman.

Ilang lalaki ba ang meron ang babaeng 'to?

Naglabasan ang mga ugat sa noo ni Jeremy at nandiri siya kay Madeline.

"Jeremy, bakit ganito si Maddie? Ang sama ng pakiramdam ko." Mukhang dismayado si Meredith, at tila nalulungkot siya para kay Madeline. "Tara na Jeremy. Gusto ko munang mapag-isa."

Sinulyapan ni Jeremy si Madeline, at hinayaan lamang niya na akayin siya ni Meredith palayo habang nakahawak ito sa kanyang braso.

"Jeremy… Hindi totoo yun…"

Hindi makapagsalita si Madeline dahil sa sakit. Puno ng paghihinagpis ang titig niya kay Jeremy. Tiningnan siya pabalik ni Jeremy; puno ng galit at pandidiri ang kanyang mga mata.

Pinaniwalaan niya ang mga sinabi ni Tanner at Meredith. Naniwala siya na isang bayarang babae si Madeline.

Dinala ni Tanner si Madeline sa isang pribadong silid. Matagal na siyang may pagnanasa kay Madeline subalit hindi siya makahanap ng pagkakataon.

Ngayong nandito na siya, hindi niya palalampasin ang pagkakataong ito.

Gustong tumakbo ni Madeline, ngunit kinaladkad siya pabalik ni Tanner at ihinagis sa sahig. Nahiwa ng mga bubog ang kanyang mga palad, at tumulo ang dugo mula sa kanyang mga sugat. Nanginig ang kanyang katawan dahil sa sakit. Dagdag pa sa sakit na nararamdaman niya dahil sa kanyang tumor, nahirapang tumayo si Madeline dahil sa tindi ng sakit na kanyang nararamdaman.