Ang Makasalanang Asawa ni Mr. Whitman novel Chapter 54

Lumingon ang maliit na bata dahil siguro narinig niyang may papalapit. Ang nakakatuwa at blanko niyang mukha ay nakaharap na kay Madeline. Ang maliwanag at malinaw niyang mata ay parang makintab na baldosa nang kumurap ito at tumitig kay Madeline.

Tila ba napawi ang apoy ng poot sa puso ni Madeline sa isang iglap. Pagkatapos ay napalitan ito ng di maipaliwanag na pagmamahal at kagandahang-loob.

Lumabas ang luha sa mga sulok ng kanyang mata at bigla siyang nakaramdam ng kagustuhang umiyak.

'Kung nandito pa ang anak ko, siguro nakakatuwa din siya kagaya nito.'

Atsaka, bukod-tangi din si Jeremy. Ang anak niyang nagmana sa kanya ay siguradong magiging kasingwapo niya.

Yumuko si Madeline at hinawakan ang malambot at nakakatuwa nitong mukha. "Anong pangalan mo honey?"

Nakakatuwang sinabi ng maliit na bata, "Tawag sa akin ni mommy at daddy ay Jack."

'Mommy at daddy'.

Nasaktan si Madeline sa mga salitang ito.

Dapat may mommy at daddy din ang kanyang anak, ngunit ngayon…

"Maddie, ano na nang binabalak mong gawin? Pwede mong gawin ang kahit na ano sa akin pero pakiusap huwag mong saktan ang anak namin ni Jeremy!"

Medyo ensaherada pakinggan ang sigaw ni Meredith. Higit pa rito, idiniin pa niya mismo na anak nila ito ni Jeremy.

Hindi kailanman inisip ni Madeline na gawin ito sa isang inosenteng bata. Nang marinig niyang sumigaw si Meredith, gusto niyang matawa.

Baka nga kailangan niyang kumuha ng leksyon sa pagiging malupit mula sa babaeng ito.

"Mommy." Kaagad na tumakbo palapit ang maliit na bata.